अनुपमा जोर्डन खेलाडीसंग पराजित भए पछि पदक बिमुख

anumapa magar
दक्षिण कोरियाको इन्चोनमा जारी एसियाली खेलकुदको कराते स्पर्धाको पुरुष ५५ केजीमा विजय लामा मलेसियाका खेलाडी सेन्थिल कुमारनसंग क्वाटरफाइनलमा ७—० ले पराजित भए । उनी उत्तर कोरियाका युनहक सोङ्गलाई ९—३ले पराजित गर्दै क्वाटरफाइनलमा प्रवेश गरेका थिए ।
महिलाको ५५ केजी तौलमा मालिका थापा क्षेत्री जापानकी मिकी कोवायासीसंग ५—० ले पराजित भईन् । ६८ केजी तौलमा अनुपमा मगर क्वाटरफाइनलमा चिनिया खेलाडी लिङ्गलिङ्ग ताङ्गसंग ८—० ले पराजित भईन् । रिपचेजको लागि भएको अर्को खेलमा मगर जोर्डनकी खेलाडी नुर हाईताम सुवी संग ७—० ले पराजित भईन् । मगरले गंगा अधिकारीको ठाउँमा प्रतिस्पर्धा गरेकी थिईन ।
शनीबार अनु अधिकारीले थाईल्याण्डको सामना गर्दै छिन् । उनले पदक ल्याउन नसके नेपाली खातामा एक कास्य पदक मात्र हुने छ ।
कृष्ण एघारौं स्थानमा
पुरुष म्याराथनको खेलमा कृष्णबहादुर बस्नेत ११ औं स्थान रहे । उनले २ मिनट २७.०२ सेकेन्डमा दूरी पुरा गरे । १९ जना सहभागी रहेको प्रतियोगितामा ५ जनाले दूरी पुरा गर्न सकेनन् । प्रथम हुने बहराईनका मोहम्मद अली हसनले २ मिनट १२.३८ सेकेन्डमा दूरी पुरा गरेका थिए ।
तेक्वान्दोमा आशा समाप्त
पदकको आशा गरिएको तेक्वान्दो खेलले १७औं एशियाली खेलकुद प्रतियोगितामा सफलता हात पार्न सकेन । आज सम्पन्न भएका खेलमा ५८ केजीका रन्जन श्रेष्ठ कुवेतका खेलाडीसंग ८—७ ले पराजित भए । त्यस्तै ५४ केजीमा अरुण अधिकारी प्यालेस्टायनका खेलाडी संग २५—१३ ले र महिलाको ७३ केजी माथी निशा रावल मकाउकी खेलाडीसंग ११—४ ले पराजित भएकी छिन् ।
शुक्रबार भएको सफ्टटेनिस सवै खेलमा सुरु चरणवाटनै बाहिरिएको छ । यसका साथै नेपाली खेलको अन्त भोली हुने एक मात्र खेल कराँतेबाट सिद्धिने छ ।

Leave A Response