नेपाल खेलकुद पत्रकार मञ्चले आयोजना गर्ने ‘पल्सर स्पोर्ट्स अवार्ड २०७२’ अन्तरगत पारा एथलिटको अवार्ड सिता भण्डारीले जितेकी छिन् ।छ वर्षको उमेरमा सीता भण्डारीले डरलाग्दो दुर्घटनाको सामना गरिन् । जसले उनलाई झन्डै मृत्यु नजिक लगेको थियो । जाडो मौसममा अगेना छेउ बसिरहेको बेला उनको दुबै हात जल्न पुगेको थियो । हात जलेको पीडा ओल्याउन नपाउंदै उनले जीवनमा अर्को ठुलो आपत सामना गरिन । उनी ९ वर्ष हुदा आमा र १४ वर्षको हुदा बुबाको मृत्यु भएको थियो ।
त्यसले सीताको जीवनमा कहालीलाग्दा बिपत एक पछि अर्को थपिदिएको थियो ।
तर ती सबै घटनाले सीताको साहसलाई रोक्न सकेन । र ती सबै पीडालाई बिर्सदै उनले जीवनमा केहि गर्ने अठोठ लिइन । उनी १० वर्ष अघि उच्च शिक्षा अध्ययन गर्ने लक्ष्य सहित काठमाडौं आएकी थिइन । अध्ययन गर्ने लक्ष्य पछयाउने क्रममा उनले एसएलसी सम्म पुरा गरिन । काठमाडौंमा आएपछि उनको लक्ष्य पढाइ भन्दा पनि खेलकुद तर्फ मोडियो । खेलकुदमा लागेको थोरै वर्षमै उनले नेपाली पारा तेक्वान्दो इतिहासमा नयां कीर्तिमान बनाइसकेकी छिन् ।
सीता र रञ्जना धामीले अन्तराष्ट्रिय पारा तेक्वान्दोमा सहभागी हुने पहिलो नेपाली महिला खेलाडीको रुपमा कीर्तिमान बनाएका छन ।

आठ वर्ष अघि सीताले टेबलटेनिस मार्फत खेलकुदमा पाइला टेकेकी थिइन । साथीहरुले फुर्सदको समयमा टेबलटेनिस खेल्न आग्रह गरेकै कारण उनले लौनचौरमा टेबलटेनिसको प्रशिक्षण लिन आउने निर्णय गरिन् । करिब ६ महिना प्रशिक्षण गरेर पनि पारा टेबलटेनिस नभएपछि सीताले फुटबल खेल्ने योजना बनाइन ।
रंगशालामा प्रशिक्षण गर्न आइरहेको बेला प्रशिक्षक टेक बहादुर गुरुङले पारा एथलेटिक्स खेल्न सुझाए । उनले छोटो समयको प्रशिक्षण प्रश्चात कोरियामा सन् २०१४ को एसियन पारा ओलम्पिकमा भाग लिइन । जुन उनको पहिलो अन्तराष्ट्रिय सहभागीता थियो । एथलेटिक्सको १०० मिटरमा सहभागी भएपनि उनले पदक जित्ने भने सकिनन । तर त्यो प्रतियोगिताले उनलाई खेलकुद प्रतिको लगावलाई ह्वात्तै बढाई दियो । पारा एथलेटिक्स खेलेर फर्केपछि सीताले पारा खेलकुदका अन्य विद्यामा पनि आफुलाई प्रतिभावान खेलाडीका रुपमा स्थापित गदै गइन ।

कोरियाबाट फर्केपछि नियमित रंगशालाको ट्रयाकमा अभ्यास गर्ने सीतालाई अन्य खेल खेल्न प्रस्ताव आउन थाले । त्यही क्रममा तेक्वान्दो प्रशिक्षण कल्याण कुवरले सीतालाई तेक्वान्दो खेल्ने प्रस्ताव गरे । तर तेक्वान्दो खेल्न त्यति सहज थिएन । सीताले करिब ६ महिना प्रशिक्षण गरेर तेक्वान्दोको पारा ओलम्पिक खेलिन ।
जुन प्रतियोगिता खेल्ने उनी र रञ्जना पहिलो नेपाली महिला खेलाडी भइन । सीताको सन् २०१५ मा रुसको सोचीमा भएको आडब्लुएएस वल्र्ड गेम्सको पारा तेक्वान्दोमा कास्य पदक जितिन । उनले पारा तेक्वान्दो के–४४ अन्तर्गत ५५ केजीमा रुसकी अब्दुलीभालाई १०–० ले हराउंदै सेमिफाइनल सम्मको यात्रा तय गरेकी थिइन । तेक्वान्दोको सेकेन्ड डान सीताले गत बैशाखमा मनिलामा भएको दोस्रो एसियन पारा तेक्वान्दो ओपन च्याम्पियनसिपमा कास्य जित्दै पारा खेलकुद करियरमा थप अर्को सफलतालाई थपिन ।

उनले रुसको सोचमिा भएको आइडब्लुएएस गेममा कांस्यपदक जितेकी हुन् । पारा तेक्वान्दोको प्(द्धद्ध अन्तर्गत् ५८ केजीमुनिको स्पर्धाको पहिलो चरणमा रुसकी अब्दुलीभालाई १०–० ले हराएर सेमिफाइनल पुगेकी । रुसकै राम्जानभोसगं सेमिफाइनलमा पराजित भएकी
हुन् । काष्ठमण्डप पुननिर्माण अभियान ५ किमि दौडमा पहिलो भएकी उनी एसियन पारा गेम्स २०१४ मा सहभागि थिइन् । साथै दोस्रो एसियन पारा तेक्वान्दो ओपन च्याम्पियनसिप, मनीलामा कांस्यपदक जितेकी थिइन् ।