नेपाल चिल्ड्रेन मोडेल स्कुलले तेश्रो इन्डो–नेपाल कराते प्रतियोगिताको उपाधि आइतबार जितेको छ । चिल्ड्रेन मोडेलले ११ स्वर्ण जित्दै टिम च्याम्पियनको उपाधि उचाल्यो ।नेपाल गोजुकाइ कराते डो संघद्वारा आयोजित प्रतियोगितामा भारत दोश्रो भयो । भारतले २ स्वर्ण, २ रजत र २१ कांस्य हात पा¥यो । तेश्रो बनेको नेपालको नेसनल स्कुलले २ स्वर्ण र १ रजत प्राप्त ग¥यो ।
बालुवाटारस्थित चिल्ड्रेन मोडेल स्कुलमा भएको प्रतियोगिताको पुरुषमा नेसनलका प्रतीक श्रेष्ठ तथा महिलामा चिल्ड्रेन मोडेलकी प्रीति वाइबा उत्कृष्ट खेलाडी चुनिए ।
विजेतालाई आयोजक संघका सल्लाहकार प्रमोद भट्टराई, आयोजक संघका अध्यक्ष अशोक पाण्डेलगायतले एक कार्यक्रमबीच पुरस्कृत गरे । दुईदिने प्रतियोगितामा नेपालका २ सय १ र भारतका ३३ गरी जम्मा २ सय ३४ खेलाडीले १७ स्पर्धामा प्रतिस्पर्धा गरेका थिए ।