मनमोहन स्मृति मे डे कप फुटबलमा क्युपेक नेपालले बिजयी शुरुवात गरेको छ । शनिबार भएको उद्घाटन खेलमा क्युपेक नेपालले आगन पशुपनि फुड टिमलाई ट्राइब्रेकरमा ५–३ गोल अन्तरले पराजित गर्दै बिजयी शुरुवात गरेको हो । निर्धारित समयमा सम्म दुवै टिमले २–२ गोलको बराबरी खेलेसंगै खेलको निर्णय ट्राइब्रेकर मार्फत गरिएको थियो । प्रतियोगिताको उद्घाटन मदन भण्डारी स्पोर्टस एकेडेमीका अध्यक्ष एवं सभासद बिनोद श्रेष्ठले गरे । लिगकम नकआउटका आधारमा सञ्चालन हुने प्रतियोगितामा आठ टिमको सहभागिता रहेको छ । प्रतियोगिता विजेता २५ तथा उपबिजेताले १५ हजार रुपैया पाउने आयोजकले जानकारी दिएको छ । पेप्सीकोला टाउन प्लानिङमा सञ्चालन भएको प्रतियोगिता आगामी १८ बैेशाखसम्म सञ्चालन हुनेछ । समापनको दिन बैशाख १८ महिला तथा पुरुषको २ किलोमिटर खुला दौडको पनि आयोजना गरिने छ ।