सशस्त्र प्रहरी बल केन्द्रीय खेलकुद समितिको आयोजनामा चैत्र ११ गतेबाट संचालित ‘सातौं सहवीर स्मृति खुल्ला लनटेनिस प्रतियोगिता–२०७१’ अन्तर्गत शनिबार विभिन्न इभेन्ट्सका फाइनल, सेमीफाइनल तथा क्वार्टरफाइनलका खेलहरु भएका छन् ।
आज साँझ ६ वजेसम्म सम्पन्न भएका खेलहरु मध्ये ६५ वर्षमाथि भेट्रान्स एकलतर्फको फाइनल खेलमा नेपाली सेनाका भिक्टरशम्शेर राणाले सेनाकै भरत रायमाझीलाई ९–८ ले पराजित गरी प्रथम स्थान हासिल गरेका छन् ।
यसैगरी पुरुष एकलतर्फको सेमीफाइनलमा खेलमा एपीएफका जितेन्द्र परियारले पोखराका अभिषेक बाँस्तोलालाई २–६, ७–५ र ७–६ ले तथा नेपाल पुलिस क्लबका कमल भण्डारीले सिन्धुपाल्चोकका दावा शेर्पालाई ६–१ र ६–२ ले पराजित गरी फाइनलमा प्रवेश गरेका छन् ।
यसैगरी पुरुष युगलतर्फको सेमीफाइनलमा खेलमा एपीएफका आत्माराम कार्की र सन्तोष खत्रीको जोडीले पोखराका शक्ति शर्मा र अनिल शाहीको जोडीलाई ६–४ र ६–२ ले तथा काठमाडौंका श्रीयान्स कार्की र जितेन्द्र परियारको जोडीले पोखराका अभिषेक बाँस्तोला र दावा शेर्पाको जोडीलाई ६–४ र ६–३ पराजित गरी फाइनलमा प्रवेश गरेको छ ।
यसैगरी मिश्रित युगलतर्फको खेलमा नेपाल पुलिस क्लबका कमल भण्डारी र गंगा शर्माको जोडीले ब्रिटिश स्कुलका छेवाङ्ग लामा र खुशी पाण्डेको जोडीलाई ६–४ र ६–१ ले तथा एपीएफका आत्माराम कार्की र आइरा एम रावतको जोडीले ललितपुरका मनोज राणा र मायान्का राणाको जोडीलाई ६–२ र ६–२ ले पराजित गरी फाइनलमा प्रवेश गरेको छ ।
यसैगरी ३५ वर्षमाथि भेट्रान्स एकलतर्फको सेमीफाइनलमा खेलमा काठमाडौंका राजु श्रेष्ठले एपीएफका दुर्गाबहादुर कुँवरलाई ६–२ र ६–३ ले तथा काठमाडौंका महेश श्रेष्ठले काठमाडौंकै रोहित सुनवारलाई ६–३, ४–६ र १०–७ ले पराजित गरी फाइनलमा प्रवेश गरेका छन् ।
यसैगरी ४५ वर्षमाथि भेट्रान्स एकलतर्फको खेलमा काठमाडौंका मनोज बिक्रम शाहले पोखराका विनोद कायस्थलाई ६–१ र ६–३ ले तथा कृष्णराज घलेले एपीएफका रजोजमान श्रेष्ठलाई ६–२ र ६–१ ले पराजित गरी फाइनलमा प्रवेश गरेका छन् ।
यसैगरी  ३५ वर्षमाथि भेट्रान्स युगलतर्फको खेलमा काठमाठाडौंका सन्जय अमात्य र निरेश श्रेष्ठको जोडीले काठमाडौंकै राजु क्षेत्री र राजेश क्षेत्रीको जोडीलाई ३–६ र ४–१ को रिटायर्ड हर्टमा पारजित गरी फाइनलमा प्रवेश गरेको छ ।

४५ वर्षमाथि भेट्रान्स युगलतर्फको खेलमा काठमाडौंका संजय अमात्य र धर्म शाहीको जोडीले काठमाडौंकै पृथ्वी थकाली र सोभितमान श्रेष्ठको जोडीलाई ७–५, २–६ र १०–८ ले पराजित गरी सेमीफाइनलमा प्रवेश गरेको छ ।
सो प्रतियोगिताको कूल पुरस्कार राशी पाँच लाख रुपैयाँ रहेको छ । प्रतियोगिता अन्तर्गतका खेलहरु सशस्त्र प्रहरी बल प्रधान कार्यालयस्थित नेपाल एपीएफ क्लबको लनटेनिस कोर्ट तथा ललितपुरको सातदोबाटोस्थित अखिल नेपाल लनटेनिस संघको कोर्टमा संचालन भइरहेका छन् ।
प्रतियोगितामा समावेश कूल १४ वटा इभेन्ट्समा गरी २१ जना महिलासहित दुई सय ७० जना खेलाडीहरुले प्रतिस्पर्धा गर्दै छन् ।
उक्त प्रतियोगितामा पुरुष एकलतर्फ प्रथम पुरस्कार ६० हजार रुपैयाँ, द्वितिय पुरस्कार ३० हजार, तृतीय पुरस्कार २० हजार र क्वाटर फाइनलिष्टलाई २० हजार रुपैयाँ पुरस्कारको व्यवस्था गरिएको छभने पुरुष युगलतर्फ प्रथम पुरस्कार ४० हजार रुपैयाँ तथा द्वितिय र तृतीय पुरस्कारको राशी २०÷२० हजार रुपैयाँ रहेको छ ।
यसैगरी महिला एकलतर्फ प्रथम पुरस्कार ६० हजार रुपैयाँ, द्वितिय पुरस्कार ३० हजार रुपैयाँ र तृतीय पुरस्कार २० हजार रुपैयाँ रहेको छभने महिला युगलतर्फ प्रथम पुरस्कार ४० हजार, द्वितिय र तृतीय पुरस्कारको राशी २०÷२०  हजार रुपैयाँ रहेको छ । यसैगरी मिश्रित युगलतर्फ प्रथम पुरस्कार ४० हजार तथा द्वितिय र तृतीय पुरस्कार २०÷२० हजार रुपैयाँ रहेको छ ।