सशस्त्र प्रहरी बल केन्द्रीय खेलकुद समितिको आयोजनामा चैत्र ११ गतेबाट संचालित ‘सातौं सहवीर स्मृति खुल्ला लनटेनिस प्रतियोगिता–२०७१’ अन्तर्गत शुक्रबार विभिन्न इभेन्ट्सका सेमीफाइनल तथा क्वार्टरफाइनलका खेलहरु भएका छन् ।
शुक्रबार  भएको खेलमा ५५ वर्षमाथि भेट्रान्स युगल तर्फको सेमीफाइनल खेलमा काठमाडौंका मनोज राणा र झ्याम्पा ढन्डुपको जोडीले काठमाडौंकै महेश नकर्मी र दिपक श्रेष्ठको जोडीलाई ६–१ र ६–१ ले तथा काठमाडौंका ज्ञानेन्द्र ताम्राकार र गौतमलाल प्रधानको जोडीले काठमाडौंकै सहदेव ढुंगाना र धु्रब गुरुङ्गको जोडीलाई २–६, ६–० र १०–४ ले पराजित गरी फाइनलमा प्रवेश गरेको छ ।
यसैगरी ६५ वर्षमाथि भेट्रान्स एकलतर्फको सेमीफाइनल खेलमा नेपाली सेनाका भिक्टरशम्शेर राणाले काठमाडौंका चन्द्रमान तुलाधरलाई ८–० ले पराजित गरी फाइनलमा प्रवेश गरेका छन् ।
यसैगरी इन्टर गभर्मेन्टल सर्भिस इभेन्टको एकलतर्फको क्वार्टरफाइनल खेलमा एपीएफका दुर्जकुमार राईले एपीएफकै सचिन कर्मचार्यलाई ६–१ र ६–५ ले तथा नेपाली सेनाका प्रदिपबिक्रम शाहले सेनाकै विकासशम्शेर राणाबाट वाक ओभर पाई सेमीफाइनलमा प्रवेश गरेका छन् ।
यसैगरी पुरुष एकलतर्फको क्वार्टरफाइनल खेलमा एपीएफका जितेन्द्र परियारले पोखराका शक्ति शर्मालाई ६–० र ६–० ले, पोखराका अभिषेक बाँस्तोलाले भक्तपुरका मिलन रोकायलाई ६–४, २–६ र ६–१ ले, सिन्धुपाल्चोकका दावा शेर्पाले एपीएफका सन्तोष खत्रीलार्ई ३–६, ६–२ र ६–२ ले तथा नेपाल पुलिस क्लबका कमल भण्डारीले पोखराका अनिल शाहीलाई ६–३ र ६–२ ले पराजित गरी सेमीफाइनलमा प्रवेश गरेका छन् ।
यसैगरी महिला एकलतर्फको क्वार्टरफाइनल खेलमा पोखराका गंगा शर्माले ललितपुरका अभिलाषा बिष्टलाई ६–३ र ६–० ले, ललितपुरका महिका राणाले ब्रिटिश स्कुलका खुशी पाण्डेलाई ६–० र ६–२ ले, एपीएफका आइरा एम रावतले ब्रिटिश स्कुलका क्याथी माथेमालाई ६–४ र ६–४ ले तथा ललितपुरका माहिंका राणाले काठमाडौंका एलिशा रेग्मीलाई ६–० र ६–० ले पराजित गरी सेमीफाइनलमा प्रवेश गरेका छन् ।
यसैगरी मिश्रित युगलतर्फको खेलमा छेवाङ्ग लामा र खुशी पाण्डेको जोडीले प्रणव खनाल र माहिका राणाको जोडीलाई ६–३ र ६–० ले तथा नेपाल पुलिस क्लबका कमल भण्डारी र गंगा शर्माको जोडीले एपीएफका कुलबहादुर राई र भगवती बि.क.को जोडीबाट वाकओभर पाई सेमीफाइनलमा प्रवेश गरेको छ ।
यसैगरी ३५ वर्षमाथि भेट्रान्स एकलतर्फको खेलमा एपीएफका दुर्गाबहादुर कुँवरले काठमाडौंका निरेश श्रेष्ठलाई ६–२, ५–७ र १०–६ ले, काठमाडौंका रोहित सुनवारले काठमाडौंकै सुनिल गिरीलाई ६–२ र ६–१ ले, काठमाडौंका राजु श्रेष्ठले ललितपुरका शिवराम रानामगरलाई ६–० र ६–१ ले तथा काठमाडौंका महेश श्रेष्ठले काठमाडौंकै करिमुला मुस्लिमलाई ६–३ र ६–१ ले पराजित गरी सेमीफाइनलमा प्रवेश गरेका छन् ।
यसैगरी ३५ वर्षमाथि भेट्रान्स युगलतर्फको खेलमा काठमाडौंका महेश श्रेष्ठ र राजु श्रेष्ठको जोडीले एपीएफका सुरेशकुमार श्रेष्ठ र अशोक गुरुङ्गको जोडीलाई ६–० र ६–१ ले, काठमाडौंका राजु क्षेत्री र राजेश क्षेत्रीको जोडीले पोखराका गोपी भट्टराई र रन्जन पौडेलको जोडीलाई ६–० र ६–३ ले, काठमाडौंका संजय अमात्य र निरेश श्रेष्ठको जोडीले एपीएफका देवेन्द्र गिरी र कुलबहादुर राईको जोडीलाई ६–४, २–६ र १०–४ ले तथा काठमाडौंका सोभितमान श्रेष्ठ र चन्द्र शाहीको जोडीले ललितपुरका श्यामकृष्ण जि.सी. र सुनित गिरीको जोडीलाई  ६–२ र ६–२ ले पराजित गरी सेमीफाइनलमा प्रवेश गरेको छ ।
यसैगरी ४५ वर्षमाथि भेट्रान्स एकलतर्फको खेलमा एपीएफका रजोजमान श्रेष्ठले पोखराका राजु गुरुङ्गलाई ६–० र ७–५ ले, पोखराका विनोद कायस्थले डोल्पाका लालप्रसाद रोकायलाई ६–१ र ६–० ले, काठमाडौंका मनोज शाहले पोखराका धर्मसिंह लामिछानेलाई ६–३ र ६–३ ले तथा कृष्णराज घलेले वाल्टर स्मीतलाई  ६–१ र ६–० ले पराजित गरी सेमीफाइनलमा प्रवेश गरेका छन् ।
आगामी चैत्र १५ गतेसम्म संचालन हुने सो प्रतियोगिताको कूल पुरस्कार राशी पाँच लाख रुपैयाँ रहेको छ । प्रतियोगिता अन्तर्गतका खेलहरु सशस्त्र प्रहरी बल प्रधान कार्यालयस्थित नेपाल एपीएफ क्लबको लनटेनिस कोर्ट तथा ललितपुरको सातदोबाटोस्थित अखिल नेपाल लनटेनिस संघको कोर्टमा संचालन भइरहेका छन् ।
प्रतियोगितामा समावेश कूल १४ वटा इभेन्ट्समा गरी २१ जना महिलासहित दुई सय ७० जना खेलाडीहरुले प्रतिस्पर्धा गर्दै छन् ।
उक्त प्रतियोगितामा पुरुष एकलतर्फ प्रथम पुरस्कार ६० हजार रुपैयाँ, द्वितिय पुरस्कार ३० हजार, तृतीय पुरस्कार २० हजार र क्वाटर फाइनलिष्टलाई २० हजार रुपैयाँ पुरस्कारको व्यवस्था गरिएको छभने पुरुष युगलतर्फ प्रथम पुरस्कार ४० हजार रुपैयाँ तथा द्वितिय र तृतीय पुरस्कारको राशी २०÷२० हजार रुपैयाँ रहेको छ ।
यसैगरी महिला एकलतर्फ प्रथम पुरस्कार ६० हजार रुपैयाँ, द्वितिय पुरस्कार ३० हजार रुपैयाँ र तृतीय पुरस्कार २० हजार रुपैयाँ रहेको छभने महिला युगलतर्फ प्रथम पुरस्कार ४० हजार, द्वितिय र तृतीय पुरस्कारको राशी २०÷२०  हजार रुपैयाँ रहेको छ । यसैगरी मिश्रित युगलतर्फ प्रथम पुरस्कार ४० हजार तथा द्वितिय र तृतीय पुरस्कार २०÷२० हजार रुपैयाँ रहेको छ ।