ललीतपुुर र धनगढी राष्ट्रिय लिगमा 

नेपालका परिचित महिला फुटबलकर्मीको व्यवस्थापनमा मुख्य भूमिका रहेको ललितपुर महानगरपालिकाको  टोली महिला राष्ट्रिय लिगमा प्रवेश गरेको छ । उपमेयर कप राष्ट्रिय महिला लिग छनोटको फाइनलमा प्रवेश गर्दै ललितपुर र धनगढी उपमहानगर पालिकाले राष्ट्रिय लिगमा स्थान पक्का गरेका हुन् ।
कमला रखालको प्रशिक्षणमा रहेको ललितपुरले फाइनल प्रवेश गर्ने क्रममा शुक्रवार भएको सेमिफाइनलमा कन्काइ नगरपालिकालाई १–० ले हराएको हो । ललितपुरको जितमा निर्मला विकले गोल गरिन् ।
धनगढीले गौरीगङ्गा नगर पालिकासँगको खेलमा ४–० को जित हात पारेको हो । धनगढीलाई जित दिलाउने क्रममा सीमा रावल, चन्द्रा भण्डारी, रेविका पाण्डे र सरस्वती रोकायले गोल गरे । यी दुईको फाइनल खेल आइतबार हुने छ ।
Comment