संस्थागत विद्यालय संघ नेपाल (ईशान) को आयोजनामा हुने छैटौं ईशान कप काठमाडौं जिल्लाव्यापी अन्तरविद्यालय फुटबल प्रतियोगितामा ६० टिमले सहभागिता जनाउने भएका छन् ।१४ फागुनदेखि सुरु हुने प्रतियोगितामा ब्वाइजतर्फ ४० र गल्र्समा २० टिमले भाग लिन लागेको ईशानका अध्यक्ष बालमुकुन्द कार्कीले जनाएका छन् । नकआउट पद्धतिमा हुने आठदिने प्रतियोगिताका खेलहरु सानोगौचरणमा हुनेछ । ब्वाइजमा रिडर्स इन्टरनेसनल मोडेल स्कुल (रिम्स) र गल्र्समा श्रमज्योति पब्लिक स्कुल साविक विजेता हुन् ।