प्रधानमन्त्रीद्वारा गोजुरियो कराते टोलीको बिदाइ

Manoj Shiama
6 August, 2016 10:40 am

karate malasiyae
नवनियुक्त प्रधानमन्त्री पुष्पकमल दाहालले प्रथम एसिया प्यासिफिक गोजुरियो कराते च्याम्पियनसिप तथा पाँचौं एजीकेएफ कराते च्याम्पियनसिपमा सहभागी हुने नेपाली टोलीलाई शुक्रबार बालुवाटारमा बिदाइ गरे ।
अगष्ट ११ देखि १४ तारिखसम्म मलेसियाको क्वालालम्पुरमा हुने प्रतियोगितामा रमेश अधिकारी, सुमन तिमल्सिना, सुरज तामाङ, अनिश ठाकुर, सोनु थापा, सागर न्यौपाने, राजन तामाङ, सागर भेटवाल, नेत्रकुमार थापा, मोहित परियार, लक्ष्मी क्षेत्री, रोजिना बेगम, प्रकाश गुरुङ, कालु घले, रिन्जिन लामा, रामकुमार गिरी, कमल तामाङ, डम्बरबहादुर शाही, वीरेन्द्रबहादुर शाही तथा खेमराज शाही रहेका छन् ।
टोली नेतामा एसियाली गोजुरियो कराते महासंघका महासचिव विआर मित्र, निर्णायकमा विसनसिंह खड्का, पुकार दर्लामी, पेम्बा तामाङ र रामकुमार श्रेष्ठ तथा अफिसियलमा सीताराम कँडेल, संगम रिजाल, प्रमोद पाण्डे, सीपी घर्ती मगर तथा राजेशबहादुर श्रेष्ठ रहेका छन् ।
टिम प्रशिक्षकमा सानुबाबु गिरी छन् । टोलीका केहि सदस्य शुक्रबारै मलेसिया प्रस्थान गरेका छन् बाँकी पछि जानेछन् ।