नेपाल सोतोकान कराते डो एस.के.डि.यु.एन.मेन डोजो काठमाण्डौ उदयपुरमा सम्पन्न तेश्रो जिल्लास्तरिय खुल्ला कराते तथा किक बक्सिङ्ग प्रतियोगिता २०७२ मा टिम च्याम्पियन हुन सफल भएको छ । किरातीहरुको महान पर्व सकिला उभौली पर्वको उपलक्षमा नेपाल सोतोकान कराते डो संघ (एस.के.डि.यु.एन.) जिल्ला समिति, उदयपुर तथा ककनी मोडेल स्कुल, राजाबासको संयुक्त आयोजनामा भएको प्रतियोगितामा ७ स्वर्ण पदक सहित मेन डोजो च्याम्पियन भएको हो । दोश्रो भएको नेपाल वादोरियो कराते डो संघ, सुन्दुज्को ३ स्वर्ण र तेश्रो भएको उदयपुर सोतोकान कराते डो संघ (एस.के.डि.यु.एन.) २ स्वर्ण हात पा¥यो ।
एक दिने प्रतियोगितामा पुरुष तर्फ उदयपुर सोतोकान कराते डोका बेविस पराजुली र महिला तर्फ वादोरियो करातेकी नमिता राई उत्कृष्ट खेलाडी घोषित भएको प्रमुख प्रशिक्षक गोविन्द श्रेष्ठले जानकारी गराए ।
उदयपुर जिल्ला सोतोकान करातेका अध्यक्ष सुमन कल्याण राईको सभापतित्वमा भएको प्रतियोगितामा विजयी खेलाडीहरुलाई प्रमुख अतिथी समाजसेवी बलदेव चौधरीज्यूले ट्रफी, मेडल र प्रमाण पत्र वितरण गरेका थिए ।