मित्र राष्ट्र उज्वेकिस्तानको तास्केन्तमा आयोजना हुने एशियन सिनियर जुडो च्याम्पियनसिपमा सहभागी हुन जाने नेपाली जुडो टोलीलाई राष्ट्रिय खेलकुद परिषदका सदस्य सचिव केशव कुमार विष्टले शनिबार बिदाई गरे । टोलीमा महिला तर्फ फुपुल्हामु खत्री (६३ केजी मुनी), लिला अधिकारी (५२ केजी मुनी), मनिता श्रेष्ठ प्रधान (५७ केजी मुनि) र पुरुष तर्फ रमेश मगरले ६६ केजी मुनि रहेका छन् । टिम प्रशिक्षकमा चन्द्र कुमार डङ्गोल, निर्णायकमा मनोज बहादुर केसी र टिम व्यवस्थापकमा संघका सदस्य प्रमोद प्रसाद नेपाल रहेका छन् ।
विदाई कार्यक्रममा नेपाल जुडो संघका अध्यक्ष दीपक हर्ष बज्राचार्य लगायतको उपस्थिती रहेको थियो । टोली आइतबार त्यस तर्फ प्रस्थान गर्ने कार्यक्रम रहेको छ ।च्याम्पियनसिप १३ देखि १७ अप्रील सम्म संचालन हुने छ ।