धनगढी क्रिकेट एकेडेमीलाई सिरिजका लागि आवश्यक पर्ने जर्सी आर.जे. स्पोर्ट्सले प्रयोजन गरेको छ । आ.जे स्पोर्टसका प्रबन्ध निर्देशक जनक न्यौपानेले डिसिएका अध्यक्ष सुवाश शाहीलाई जर्सी हस्तान्तरण गरेका हुन । जर्सी हस्तान्तरण गर्दै प्रबन्ध निर्देशक जनक न्यौपानेले धनगढीलाई क्रिकेटको शहरका रुपमा चिनाउँने डिसिएको अभियानमा आफुहरु पनि जोडिन चाहेको बताए । नेपालमा युवा घरेलु प्रतियोगिताको निकै खाचो छ, उनले भने त्यसलाई मध्यनजर गर्दै डिसिएको आथित्यमा धनगढीमा एनसिएस र डिसिए विचको खेलमा आफुहरुले सहयोग गर्न पाउँदा खुशी महशुस भएको उनले बताए । जर्सी प्रदान गरेकोमा आर. जे स्पोर्टसलाई धन्यवाद ज्ञापन गर्दै डिसिएका अध्यक्ष शाहीले आगामी दिनमा पनि उहाँहरुको सहयोग जारी रहने विश्वास व्यक्त गरे । डिसिएको टोली आर.जे स्पोर्टसको जर्सीमा एनसिएससँग ३ वान डे, ३ टी ट्वान्टी र १ दुई दिने फम्र्याटको खेलमा मैदानमा उत्रनेछ । प्रतियोगिता फागुन २० गतेसम्म चल्ने आयोजक धनगढी क्रिकेट एकेडेमीले जनाएको छ ।