नेपाल पौडी संघको सहयोग तथा काभ्रे जिल्ला पौडी संघको आयोजनामा सम्पन्न प्रथम काभ्रे जिल्लास्तरिय अन्तरस्कुल उमेर समूह तथा खुला पौडी प्रतियोगितामा काठमाण्डौ विश्वविद्यालय स्कुलले १० स्वर्ण प्राप्त गरेको छ ।
एक दिवसिय प्रतियोगिताको शुक्रबार सम्पन्न प्रतियोगिता अन्तरगत १२ बर्ष उमेर समूह अन्तरगतको छात्रा २५ मिटर फ्रिस्टायलमा केयुका भुमी प्रधान, विनभा प्रधान र अभिशेखा श्रेष्ठले क्रमश ः प्रथम, द्वितीय र तृतीय स्थान हात पारे । सोही प्रतिस्पर्धाको छात्र तर्फ बेलोर इन्तरनेशनल एकेडेमीका शिव राज सुनारले स्वर्ण, केयुका आर्यन श्रेष्ठले रजत र नेपाल प्रहरी स्कुलका सुनिल विस्ट कुवरले कास्य पाए ।
फ्रि स्टायल ५० मिटरमा १४ बर्ष मुनिको छात्रा तर्फ केयुकी सेजल सैजुले स्वर्ण प्राप्त गर्दा केयुकै तिशा राजबंशीले रजत र बेलोरकी श्रेयारिका नकर्मीले कास्य पदक पाईन् । १७ बर्ष मुनिको छात्र तर्फ केयुका आदर्श प्रधान प्रथम, नेपाल पुलिसका प्रकाश थापा द्वितीय र श्रीखण्ड उमाबिका जसलाल बंजन तृतीय भए । खुला तर्फको प्रतिस्पर्धामा पूर्व अरनिको आयल स्टोरका किशोर पुरीले स्वर्ण पदक पाए । दोश्रो स्थानमा पूर्व अरनिकोकै इश्वर पुरी र तेश्रो स्थानमा ग्रान्ड समर प्लेसका लक्ष्मण माझी भए ।
१२ बर्ष मुनीको २५ मिटर ब्रेष्ट स्ट्रोकमा छात्रा तर्फ केयु स्नेहा मानन्धर, भूमी प्रधान र विनभा प्रधानले शिर्ष तिन स्थान पाए । त्यस्तै छात्र तर्फ केयुका आर्यन श्रेष्ठले स्वर्ण पदक प्राप्त गर्दा बेलोरका शिव राज सुनार र रोजिम बस्नेतले रजत र कास्य पाए । छात्राको १४ बर्ष मुनिको ५० मिटर ब्रेष्ट स्ट्रोकमा केयुका श्रृजना मानन्धर, भूमी प्रधान र विनभा प्रधानले क्रमश स्वर्ण रजत र कास्य पाए । छात्र तर्फ नेपाल प्रहरीका सन्देश मान महर्जनले स्वर्ण पदक प्राप्त गर्दा केयुका आर्यन श्रेष्ठले रजत र बेलोरका शिभराज सुनारले कास्य पाए । १७ बर्ष मुनिको छात्र तर्फको प्रतिस्पर्धामा केयुका आदर्श प्रधानले स्वर्ण, श्रीखण्ड उमाबिका जसलाल बंजनले रजत र नेपाल प्रहरीका प्रकाश थापाले कास्य पाए । खुला तर्फको प्रतिस्पर्धामा पूर्व अरनिकोका किशोर पुरीले स्वर्ण, ग्रान्डका लक्ष्मण माझीले रजत र पूर्व अरनिकोका इश्वर पुरीले कास्य पाए ।
बटरफ्लाई तर्फ १४ बर्ष मुनिको २५ मिटरको प्रतिस्पर्धामा केयुका सेजल सैजुले स्वर्ण, श्रृजना मानन्धरले रजत र तिसा राजबंशीले कास्य पाए । छात्र तर्फ केयुका आर्यन श्रेष्ठले स्वर्ण, बेलोरका शिभराज सुनार र रोजिम बस्नेतले रजत र कास्य पाए । १७बषर््ा मुनिको ५० मिटरमा नेपाल पुलिसका प्रकाश थापाले स्वर्ण, श्रीखण्डका जसलाल बंजन र अनुज गिरीले रजत र कास्य पाए ।
काभ्रे जिल्ला पौडी संघको निर्वाचित समितीले निर्वाचित भएको दोश्रो हप्तामा आयोजना गरेको प्रतियोगितामा ५० जना खेलाडीहरुले प्रतिस्पर्धा गरेका थिए । प्रतियोगिता काभ्रेस्थित ग्रान्ड समर प्यालेस रिसोर्टमा आयोजना गरिएको थियो । बिजयी खेलाडीहरुलाई संविधान सभाका माननिय सभासद चन्द्र वादे, नेपाल पौडी संघका अध्यक्ष एवं नेपाल ओलम्पिक कमिटिका सदस्य अशोक बज्राचार्य लगायतले पुरस्कार वितरण गरेका थिए ।