नासिर याह्या हुसेनले जापानको फुकुओकामा आयोजना भएको वर्ल्ड एक्वाटिक च्याम्पियनसिप २०२३ मा आफ्नो नाममा नयाँ राष्ट्रिय कीर्तिमान कायम गर्न सफल भएको फुकुओकाबाट नेपाल पौडी सङ्घका अध्यक्ष अशोक बज्राचार्यले जनाएका छन् । नासिरले ४ सय मिटर फ्रिस्टाइलमा ४ मिनट ८दशमलव२३ सेकेन्ड समयका साथ नयाँ कीर्तिमान कायम गरेका हुन् । यस अघि नासिलको नाममा ४ मिनट १२।१७ सेकेन्ड समयको कीर्तिमान कायम थियो । नासिरले उक्त कीर्तिमान आषाढमा आयोजना भएको ११ औँ एनएसए कप पौडी प्रतियोगितामा राखेका हुन् ।

अव सोमबार नासिरले पुरुष २०० मिटर फ्रिस्टाइल र गौरिकाले १०० मिटर ब्याकस्ट्रोकमा प्रतिस्पर्धा गर्नेछन् । नासिर हिट चरणमा सहभागि ५५ जना मध्य ४६ औ भएका थिए । सो स्पर्धामा अस्ट्रेलियाका साम सर्टले ३ मिनेट ४० दशमलव ६८ सेकेन्डमा दुरी तय गर्दै पहिलो स्थान पाए ।