भारतको गोहाटीमा आयोजना हुने ब्याडमिन्टन एसिया दक्षिण एसियन जुनियर रिजनल च्याम्पियनसिप २०२२ मा सहभागी हुन जाने नेपाली ब्याडमिन्टन टोलीलाई राष्ट्रिय खेलकुद परिषद्का उपाध्यक्ष शिव कोइराला ज्वालाले बिदाइ गरे ।

सेप्टेम्बर २६ देखि ३० सम्म आयोजना हुने च्याम्पियनसिपमा सहभागी हुने टोलीको नेतामा नेपाल ब्याडमिन्टन सङ्घका सदस्य छवि लाल शाही रहेका छन् । यस्तै खेलाडीहरूमा डेभिड थापा मगर, सुरज गुप्ता, कबिर के.सी., साहिलचन्द, रोज पाण्डे, सानिया चन्द, रोजी राई र रिहाना शेरचन रहेका छन् । टोलीको प्रशिक्षक जितेन्द्र शर्मा छन् ।

नेपाली टोलीले यु १५ र यु १७मा महिला तथा पुरुष एकल र युगल, मिक्स युगल र मिक्स टिम ईभेन्टस्मा प्रतिस्पर्धा गर्ने सङ्घका सचिव नविन विक्रम शाहले जानकारी गराएका छन् ।