सानुबाबु गिरि, नेपाल गोजुरियो कराँते सङ्घका सचिव । मेलम्ची नगरपालिका, सिन्धुपाल्चोकका उनी बि.स २०४९ देखि कराँते खेलमा आबद्ध थिए । उनी अहिले नेपाली गोजुरियो कराँतेका हस्ती बनेका छन् । यो हस्ती बन्ने क्रममा उनी एकेएफ जज र डब्लुजिकेएफ रेफ्रि भएका छन् । यो त भयो, उनको रेफ्रि कोर्सको अवस्था ।
प्रशिक्षकको रूपमा पनि गोजुरियो कराँतेमा उनको गजबको पकड छ । सिन्धुपाल्चोकमा डोजो सञ्चालन गरेका उनको मातहतमा ६ वटा विद्यालयको कराँतेको प्रशिक्षण भइरहेको छ । यी यावत जिम्मेवारीका बारे उनी भन्छन्, ‘ कराँते मेरो जीवन हो । यो नै मेरो प्राथमिकता हो । यस कारण मैले समय व्यवस्थापन गरिरहेको छु । ’ त्यसो त प्रशासनिक रूपमा पनि उनी आबद्ध नेपाल गोजुरियो कराँते सङ्घमा उनको उपस्थिति बलियो भएको छ । सो सङ्घलाई नजिकबाट नियाल्नेहरू त सानुबाबुको अभावको त्यो सङ्घको गतिविधिको कल्पना पनि गर्न सक्दैनन् ।
खेलाडी जीवनको रूपमा उनका केही अनुभव छ । काठमाडौँमा भएको आठौँ दक्षिण एसियाली खेलकुदमा उनको पनि सहभागिताको चाहना थियो । समय नेपाली कराँते कातामा त अझ बलियो थियो । उनी  मध्यमाञ्चल क्षेत्रीय छनोटमा पराजित भए पछि खेल भन्दा पनि बढी प्रशिक्षक र व्यवस्थापकको रूपमा आफूलाई सक्रिय राखे ।
बि.स ६० को दशकमा नेपालमा गोजुरियो कराँतेको उपस्थिति प्रभावकारी बन्यो । सितेरियोमा आबद्ध उनी पनि गोजुरियोमा आबद्ध भए । ६० को दशकको मध्यमा आइपुग्दा त उनको उपस्थिति धेरैले चाही सकेका थिए । धेरै डोजो, प्रशिक्षक र रेफ्रिको रूपमा निरन्तरता लगायत विषयले उनको आवश्यकता महसुस गरियो । पहिलो कार्यकाल सदस्यको रूपमा बिताएका उनी अहिले सचिवको रूपमा छन् ।
गोजुरियोका धेरै डोजोमा सानुबाबुको एक पटकको प्रभाव त छदै छ । सानुबाबुकै प्रभावलाई पछ्याउँदै दीपक लामा र विजय अधिकारीको प्रभाव पनि बढी रहेको छ । दीपक एकेएफ जज हुन् भने विजय एकेएफप प्रशिक्षक हुन् । यी तीनको समन्वयले यो सङ्घले थप अघिको पाइला सार्न सक्ने अनुमान गरिएको छ । रेफ्रिको रूपमा काठमाडौँमा भएको १३ औ दक्षिण एसियाली खेलकुद लगायत विश्व गोजुरियो कराँते च्याम्पियनसिप र एसियाली गोजुरियो कराँते च्याम्पियनसिपका महत्त्वपूर्ण अनुभव ऊनीसँग छ ।

मेलम्ची नगर युवा क्लबको नेतृत्व गरेका उनले सिन्धुपाल्चोकको खेलकुदमा आफ्नो प्रभाव देखाइसकेका छन् । उनकै नेतृत्व मेलम्चीमा विगतमा कराँते र भलिबल प्रतियोगिता आयोजना भइसकेका छन् ।
नेपालले काठमाडौँमा सन् २०२१ मै एसियाली गोजुरियो कराँते च्याम्पियनसिपको आयोजना गर्दै छ । यसको तयारीमा सबै लाग्नु पर्ने उनी बताउँछन् । गोजुरियो कराँतेका लागि यो एउटा चुनौती हो भने सङ्घलाई अझ व्यवस्थित बनाउन अर्को चुनौती हो । निकट भविष्यमा साधारण सभाले सङ्घलाई अझ व्यवस्थित बनाउनेमा उनी विश्वस्त छन् । साथमा अगाडी देखिएका चुनौती पार गर्दै नेपाल गोजुरियो कराँते सङ्घले एसियन च्याम्पियनसिप भव्यताका साथ सम्पन्न गर्नेमा उनी विश्वस्त छन् ।