नेपाल उमा कुङफु संघको आयोजनामा उमा कुङफु डिप्लोमा ग्रेडिङ आइतबार गौशालामा सम्पन्न भएको छ ।
दुईदिने ग्रेडिङमा दाङ, नुवाकोट, रुकुम र उत्तरी भेगीय उमा कुङफु, बुढानीलकण्ठका एक महिलासहित जम्मा ९ जना सहभागी थिए । उनीहरुलाई संघका अध्यक्ष उद्धव थापा मगर र सचिव सिद्धार्थ लामाले व्यवहारिक र सैद्धान्तिक ज्ञान दिएका थिए ।
सहभागी सबै फुल रेडबाट ब्ल्याकवेल्टमा पदोन्नती भएको संघले जनाएको छ । ग्रेडिङ कमिटीका उद्धाव थापा मगर तथा संघका महासचिव अनिमेशलाल श्रेष्ठ र सदस्य सन्जितकुमार राईले सहभागीको परीक्षा लिएका थिए ।
सियाङ तामाङ, कमल पण्डित, रमेश नेपाली, सूर्य लामा, प्रिया गुरुङ, दावा लामा, सञ्जय श्रेष्ठ, किरण थापा तथा बुद्धिप्रकाश रोका मगर ग्रेडिङमा सहभागी थिए ।