नेपाल ब्याडमिन्टन सङ्घको कार्य समितिले तत्कालीन कार्य समितिमा कुने थपघट नगरी  साधारण सभा गर्ने निर्णय भए पनि राष्टिय खेलकुद परिषद्ले ४१ सदस्सीय तदर्थ समिति बनाए पछि यसको विरोध हुन थालेका छ । यसैको विरोध स्वरूप युवा तथा खेलकुद मन्त्रालयमा निवेदन दिएको तदर्थ कमिटीका सदस्य सुवास श्रेष्ठले जानकारी दिए । 

८ वर्षमा ४ पटक मात्र पूर्ण बैठक बोलाएको, राष्टिय खेलकुद परिषद्मा १ करोड ३७ लाख रुपैयाँ बेरुजु भएको तथा सङ्घ विधान अनुसार नचलेको भन्दै १५ वैशाखमा राष्टिय खेलकुद परिषद्मा ३ जनाले निवेदन दिएका थिए । यस पछि बसेको सङ्घको बैठकले मौजुदा कार्य समितिलाई नै यथावतै राखी साधारण सभामा जाने निर्णय भएको श्रेष्ठ बताउँछन् । 

२९ जनाको कमिटीले निर्वाचन गराउने कुरा प्रस्ट रहेको श्रेष्ठ बताउँछन् । ब्याडमिन्टन सङ्घमा कार्य गरेको कार्य प्रति असन्तुष्टि उठे पछि सङ्घ अध्यक्ष राम जी बहादुर श्रेष्ठ नेकपा( माओवादी केन्द्रको राजनीतिक सङ्गठनमा आबद्ध भएका थिए । मन्त्रालयमा आवेदन भए पछि मन्त्रीले राखेप सदस्य सचिव टङ्कलाल घिसिङलाई फोन गरेर फाइल मगाएको जनाइन्छ । 

 अहिले उनको प्रभाव देखे पछि माओवादी केन्द्र निकट धेरै खेलकर्मीमा निराश छाउन थालेको छ । ‘ हाम्रो विचार र आन्दोलनको मर्मसँग कुनै साइनो नभएको व्यक्ति आफ्नो गलत गतिविधि जोगाउन दलमा आबद्ध भए पछि अनावश्यक महत्त्व दिइएको छ । यसले हाम्रो साख र महत्वलाई गिराएको छ ,’माओवादी  निकट एक खेलकर्मीले भने ।