एमालेको जनबर्गीय सङ्गठन नेपाल खेलकुद महासङ्घको अधिवेशन ७ देखि ९ फागुनको बिचमा विराटनगरमा हुँदै छ । अधिवेशनमा वर्तमान अध्यक्ष परशुराम बस्नेतका लागि कठिन समेत हुने अनुमान गरिएको छ ।

अहिले धेरै खेलकर्मी बस्नेत विरुद्ध कित्तामा उभिएका छन् । चेतन राज गिरि, ओमकृष्ण प्रसाईँ, उमेश केसी, नन्दा बस्याल र दीपक न्यौपाने लगायत परशुरामविरुद्धको कित्तामा उभिएका छन् । यसै गरी, प्रभात कटुवाल पनि सोही कित्तामा छन् । यसै गरी गोविन्द भट्टराई र सुवास श्रेष्ठ यस कित्ताको विरुद्धमा रहेको जनाइन्छ । एमाले खेलकुद विभागका सचिव मेघराज पौडेलको समेत यसै कित्तालाई  साथ भएका कारण आसन्न अधिवेशन बस्नेत कित्ताका लागि कठिन भएको जनाइन्छ ।

 अहिले उम्मेदवारमा परशुरामको अलावा चेतन गिरि र ओमकृष्ण प्रसाईँको पनि चर्चा चलेको छ । यसै गरी प्रभात विक्रम कटुवाल र सुवासको दाबी रहेको जनाइन्छ ।