मलेसियाको राजधानी क्वालालम्पुरमा यही फेब्रुअरी १५ देखि २० सम्म सञ्चालन हुन गइरहेको  ब्याडमिन्टन एसिया टिम च्याम्पियनसिप(२०२२ू मा अन्तर्राष्ट्रिय लाइन जजको रूपमा सहभागिता जनाउन नेपाल बाट वरिष्ठ अन्तर्राष्ट्रिय ब्याडमिन्टन अम्पायर उदय अर्याल त्यस तर्फ प्रस्थान गरेका छन् ।

च्याम्पियनसिप मा  सहभागी हुनु अघि उनले त्यहाँ ६ दिन क्वारेनटाइन मा बस्नु पर्ने कुरा बताएका छन् । एसियन टिम च्याम्पियनसिपमा यो उनको दोस्रो पटक सहभागिता हो ।

यस अघि २०१९ मा हङकङमा भएको संस्करण मा पनि उनको सहभागिता रहेको थियो र त्यहाँ हङकङ नेपाल ब्याडमिन्टन सङ्घले सम्मान समेत गरेको थियो । जापानमा सम्पन्न भएको टोक्यो २०२०, पारा ओलम्पिक ब्याडमिन्टन मा सहभागी भएका अर्याल प्रथम नेपाली ब्याडमिन्टन टेक्निकल अफिसियल हुन् ।