राजेन प्रिक्वाटरफाइनलमा

अजिमा स्नुकर हाउसका राजेन लामा प्रथम चक्र लामा÷किसन लामा स्मृति राष्ट्रव्यापी खुला स्नुकर प्रतियोगितामा प्रिक्वाटरफाइनलमा प्रवेश गरेका छन् ।
बौद्धस्थित अजिमा स्नुकर हाउसमा जारी सर्वाधिक पुरस्कार राशिको प्रतियोगितामा राजेनले क्यु १४७ का राजेन्द्र श्रेष्ठलाई ४–१ को फ्रेममा पराजित गरे ।
चामुण्डा जिमी लामाले बनेपाका नितेश राजभण्डारीलाई ४–०, पोखराका विकास महर्जनले बिकेन रिजाललाई ४–० तथा लास्ट ब्रेकका सोम लामाले ब्रेक प्वाइन्टका विनोद श्रेष्ठलाई ४–१ ले हराउँदै प्रिक्वाटरफाइनलमा स्थान पक्का गरे ।
शुक्रवारदेखि प्रिक्वाटरफाइनल खेल सुरु हुने छ । त्यस दिन ४ खेल हुने छ । नेपाल नम्बर वान अजिमाका रेगन श्रेष्ठले लास्ट ब्रेकका सनोज खड्गी, ब्रेक प्वाइन्टका सञ्जय बज्राचार्यले एएक्सएनका वाङचु तामाङ, माउन्ट एभरेस्टका कृतेश ज्ञवालीले फस्ट ब्रेकका अमन कार्की तथा बेम्बु कटेजका राजन गुरुङले एस स्नुकरका मिलन लामा विरुद्ध खेल्ने छन् ।
बाँकी ४ प्रिक्वाटरफाइनल शनिवार हुने छ । उक्त दिनको प्रिक्वाटरफाइनल राजेन र जिमी, विकास र सोम, कुनाल श्रेष्ठ र दीपक मगर तथा फुरी शेर्पा र सक्षम श्रेष्ठबिच हुने छ । प्रिक्वाटरफाइनल ‘वेस्ट अफ नाइन’ आधारमा खेलाइने छ ।

Comment