भ्रष्टाचार निवारण, सुशासन तथा सार्वजनिक नीति व्यवस्थापनको क्षेत्रमा स्नातकोत्तर अध्ययन गरिरहेका निशन महर्जनले शिक्षा, विज्ञान तथा प्रविधि मन्त्रालय तथा युवा तथा खेलकुद मन्त्रालयको सचिवालय प्रमुखको महत्त्वपूर्ण जिम्मेवारी प्राप्त गरेका छन् ।

सूचना प्रविधि क्षेत्रमा Bachelor in Computer Applications -BCA) अध्ययन गरेका महर्जनको पृष्ठभूमि डिजिटल प्रणाली, डाटा व्यवस्थापन तथा प्रविधिमैत्री समाधानहरूमा केन्द्रित रहेको छ, जसले सार्वजनिक सेवा प्रवाहमा पारदर्शिता र प्रभावकारिता अभिवृद्धि गर्न महत्त्वपूर्ण योगदान पु¥याउने विश्वास लिइएको छ ।

यस जिम्मेवारीसँगै महर्जनले विशेष गरी खेलकुद क्षेत्रमा देखिएको अनियमितता, पारदर्शिताको अभाव तथा राजनीतिक हस्तक्षेपका कारण उत्पन्न समस्याहरूको निवारण गर्न आफू दत्तचित्त भएर लागिपर्ने प्रतिबद्धता व्यक्त गरेका छन् ।

उनका अनुसार, नेपालको खेलकुद क्षेत्र राजनीतिक प्रभावका कारण अपेक्षित रूपमा विकास हुन सकेको छैन । योग्य खेलाडीहरूले अवसर नपाउनु, स्रोत साधनको दुरुपयोग हुनु तथा नीतिगत कमजोरीहरू विद्यमान रहनु प्रमुख चुनौतीका रूपमा देखिएका छन् । यी समस्याहरूको दीर्घकालीन समाधानका लागि पारदर्शिता, उत्तरदायित्व र सुशासन अनिवार्य रहेको उनले उल्लेख गरेका छन् ।

महर्जनले आफ्नो कार्यकालमा सुशासन प्रवर्द्धन, डिजिटल प्रणालीमार्फत पारदर्शिता अभिवृद्धि, तथा युवा लक्षित प्रभावकारी कार्यक्रमहरूको कार्यान्वयन गर्ने लक्ष्य लिएका छन् । साथै, उनले सरकारी संयन्त्रभित्र उत्तरदायित्वको संस्कृति विकास गर्दै भ्रष्टाचारप्रति शून्य सहनशीलता अपनाउने प्रतिबद्धता व्यक्त गरेका छन् । 

उनले आफूलाई दिइएको जिम्मेवारीलाई केवल पदको रूपमा नभई राष्ट्रप्रति सेवा गर्ने अवसरको रूपमा लिँदै पूर्ण इमानदारी, निष्ठा र समर्पणका साथ कार्य गर्ने दृढ अठोट व्यक्त गरेका छन् ।