म्याग्दीका खेलाडी सम्मानीत

tara photoe
१२ औ दक्षिण एशियाली खेलकुदका पदक विजेता म्याग्दीका खेलाडीहरु घरेलु जिल्लामा सम्मानीत भएका छन् । २४ औ जिल्ला परिषद्को अवसरमा मंगलबार १२ औ सागमा पदम जित्ने खेलाडीलाई ५ हजार रुपैया सहित सम्मान गरियो । परिषद्का प्रमुख अतिथि नवराज शर्मा, स्थानीय विकास अधिकारी चिरञ्जीवि पौडेल, प्रमुख जिल्ला अधिकारी सागरमणी पाठक सहित राजनीतिक दलका प्रमुखले सम्मान गरेका हुन् ।
सम्मानीत हुनेमा भारोत्तलनकी तारादेवी पुन, आर्चरीका प्रेम प्रसाद पुन, भलीबलकी कमला पुन र अरुणा शाही तथा उसुकी विन्दु पुन मगर छन् । तारादेवी पुनले भारात्तोलन ७५ किलोमाथिको तौल समुहमा कास्य पदक जितेकी हुन् । उनी भारोत्तलनमा आबद्ध भएको १४ बर्ष भइसकेको छ । प्रेमले आर्चरीमा काश्य पदक जितेका हुन् । कमला र अरुणा काश्य विजेता भलीबल टोलीका सदस्य हुन् । विन्दुले उसुमा रजत पदक जितेकी हुन् । त्यस्तै माउण्ट एभरेष्ट आवासीय उच्च माविले प्रति खेलाडी ३ हजार रुपैया सहित सम्मान ग¥यो । बुधबार न्यु वेष्ट प्वाइन्ट आवासीय उच्च मावि, म्याग्दी उद्योग वाणिज्य संघ, काउँलेगौडा यूवा क्लव र नेपाल लोकतान्त्रिक खेलकुद संघ म्याग्दीले सम्मान ग¥यो । एमाले जिल्ला कमिटी म्याग्दीले पनि सम्मान ग¥यो ।

Leave A Response