कीर्तिमानी  खेलाडी संगिना राष्ट्रपतिद्वारा  प्रबल जनसेवा श्री पदकबाट विभूषित 

तेक्वान्दोमा खेलाडी तथा प्रशिक्षकको रूपमा उत्तिकै सफल खेलाडी संगिना वैद्य प्रबल जनसेवा श्री चतुर्थ पदकबाट विभुसित  भएकी छिन् । संविधान दिवसको उपलक्ष्यमा राष्ट्रपतिबाट  विभूषित भएकी हुन् ।
सन् १९९६ मा तेक्वान्दोकी एसियाली च्याम्पियन तथा हाल राष्ट्रिय टोलीकी प्रशिक्षक रहेकी संगिनालाई नेपाली खेलकुदमा अतुलनीय योगदान गरे बापत विभूषित गरिएको हो ।  खेलाडीको रूपमा ओलम्पिक छनोट हुने पहिलो खेलाडीको   कीर्तिमान कायम गरेकी उनले लगातार दुई पदक दक्षिण एसियाली खेलकुदमा स्वर्ण पदक पनि जितेकी थिइन् ।  लगातार १५  वर्ष भन्दा बढी समय नेपाली तेक्वान्दोमा अपरा जेय रहेकी उनले कोलम्बोमा भएको १० औ दक्षिण एसियाली खेलकुद पछि आफूलाई प्रशिक्षण तर्फ केन्द्रित गरेकी थिइन् । उनी लगातार दुई पटक दक्षिण एसियाली खेलकुदमा नेपाली टोलीकी प्रशिक्षक थिइन् ।
सुप्रसिद्ध प्रबल जनसेवा श्री प्रथमबाट डा. सन्दुक रुइत विभूषित भए ।
Comment