अखिल नेपाल फुटबल संघ (एन्फा) को आयोजनामा राजधानी जारी सहिद स्मारक ‘सी’ डिभिजन लिग छनोट खेल्ने तयारीमा रहेको अनुशाषित ब्वाइज क्लब (एबीसी) लाई ‘एच टु क्लिन’ को प्रायोजन पाएको छ ।

‘एच टु क्लिन’ दुर्गा इन्जिनियरिङ एन्ड अटो वर्कस् प्रालिले ‘सी’ डिभिजन लिग छनोट खेल्ने एबीसी क्लबका खेलाडी तथा अफिसियललाई १–१ थान ट्याकसुट प्रदान गरेको हो ।

‘एच टु क्लिन’ दुर्गा इन्जिनियरिङ एन्ड अटो वर्कस् प्रालिका प्रोपाइटर राजु घिमिरले खेलाडी तथा अफिसियललाई ट्याकसुट हस्तान्तरण गरे ।

ट्याकसुट हस्तान्तरणअघि एबीसीले ललित मेमोरियल यु–१८ फुटबल प्रतियोगिता खेल्न लागेको विभागीय नेपाल पुलिसको उमेर समूहको टोलीसँग मैत्रीपुर्ण खेल खेलेको थियो ।