नबीता र स्यान्टुलाइ जोडीलाई स्वर्ण

आठौंअन्तर्गत ४० औं राष्ट्रिय टेबलटेनिसको मिक्स डबल्समा सिंगल्सका राष्ट्रिय च्याम्पियनद्वय श्यान्टु श्रेष्ठ र नविता श्रेष्ठको जोडी पहिलो भएका छन् ।
शुक्रबार अबेर सम्पन्न फाइनलमा प्रहरीका श्यान्टु र नविताको जोडीले प्रहरीकै विनेश खनियाँ र एलिना महर्जनको जोडीलाई ८–११, १२–१०, ११–६ र ११–४ को सेटमा पराजित गरे । एपीएफका पुरुषोत्तम वज्राचार्य र सिक्का सुवाल तथा आर्मीका बोधित डिसी र दीक्षा तामाङको जोडीले तेश्रो स्थानमा चित्त बुझाए ।
महिला सिंगल्समा प्रहरीकी नविता श्रेष्ठले प्रदेश ३ की निकिता कस्तीलाई ४–०, आर्मीकी दीक्षा तामाङले एपीएफकी सिक्का सुवाललाई ४–२, आर्मीकी रविना महर्जनले एपीएफकी सेलिशा खड्गीलाई ४–१ र प्रहरीकी एलिना महर्जनले आर्मीकी स्वेच्छा नेम्वाङलाई ४–२ ले पाखा लगाउदै सेमिफाइनलमा स्थान बनाए ।
पुरुष सिंगल्समा प्रहरीका श्यान्टु श्रेष्ठले प्रदेश ३ का एलेक्स महर्जनलाई ४–०, एपीएफका शिवसुन्दर गोथेले प्रहरीका सुनील मगरलाई ४–१, प्रहरीका प्रदीप रोकाले आर्मीका कृष्ण थापा मगरलाई ४–३ र एपीएफका विलोश श्रेष्ठले एपीएफका मणिकुमार लामालाई ४–१ को सेटमा निराश पार्दै सेमिफाइनलमा स्थान सुरक्षित गरे ।

Leave A Response