मोहनलाई लगातार पाँचौं स्वर्ण

अस्ट्रेलिया राष्ट्रिय जुडो च्याम्पियनसिपमा नेपाली खेलाडी मोहन बमले स्वर्ण जितेका छन् । उनले नागे नो कातामा एडमन्ड युनसंग मिलेर लगातार पाँचौं पटक स्वर्ण जितेको बताइएको छ ।
मोहन २०१४ देखि उक्त प्रतियोगितामा नियमित सहभागी हुँदै आएका छन् । मोहन र उनको जोडीले ८५ प्रतिशत अंक ल्याउदै पहिलो स्थान हात पारेका हुन् । २०१४ देखि नै एडमन्ड पनि मोहनको पार्टनर बन्दै प्रतियोगितामा सहभागी हुँदै आएका छन् । मोहनले आइतबार पुरुष ६० केजीमुनि तौलसमूहमा पनि प्रतिस्पर्धा गर्नेछन् ।
Comment