सशस्त्र प्रहरी बल केन्द्रीय खेलकुद समितिको आयोजनामा यही माघ १६ गतेबाट संचालित ‘तेह्रौं राष्ट्रव्यापी कृष्णमोहन स्मृति खुल्ला ब्याडमिन्टन प्रतियोगिता–२०७३’ अन्तर्गत बुधबार विभिन्न इभेन्ट्सका फाइनल खेलहरु सम्पन्न भएको छ ।
सशस्त्र प्रहरी बल प्रधान कार्यालयस्थित नेपाल एपीएफ क्लबको ब्याडमिन्टन कोर्टमा सम्पन्न १७ वर्षमुनि पुरुष एकलतर्फको इभेन्ट्समा त्रिभुवन आर्मी क्लवका प्रफुल्ल महर्जनले नेपाल एपीएफ क्लवका प्रिन्स दाहाललाई १२–२१, २५–२३ र २१–१७ ले पराजित गरि विजयी भएका छन् ।
यसैगरी ३५ वर्षमाथि मास्टर्स पुरुष युगलतर्फको इभेन्ट्समा नेपाल पुलिस क्लवका गणेश चन्द र कृष्ण सिवाकोटीको जोडीले नेपाल एपीएफ क्लवका नारायणदत्त पौडेल र राजु गौतमको जोडीलाई २१–१८, २१–१८ ले पराजित गरि विजयी भएका छन् ।
मिश्रित युगलतर्फको खेलमा त्रिभुवन आर्मी क्लवका नङ्गशलादेवी तामाङ्ग र रत्नजीत तामाङ्गको जोडीले नेपाल एपीएफ क्लवका इन्द्रबहादुर महता र पुजा श्रेष्ठको जोडीलाई २१–१६, २१–१३ ले पराजित गरि विजयी भएका छन् ।
यसैगरी ४५ वर्षमाथि भेन्ट्रान्स युगलतर्फको इभेन्ट्समा अन्नपुर्ण व्याडमिन्टन क्लवका श्याम पराजुली र नविनवाबु श्रेष्ठको जोडीले त्रिभुवन आर्मी क्लवका सुभास श्रेष्ठ र भूमिबहादुर गुरुङ्गको जोडीलाई २१–१६, २१–१५ ले पराजित गरि विजयी भएका छन् ।
पुरुष एकलतर्फको इभेन्ट्समा त्रिभुवन आर्मी क्लवका रत्नजित तामाङले नेपाल एपीएफ क्लवका प्रिन्स दाहाललाई २१–१०, २१–१४ र त्रिभुवन आर्मी क्लवकै नविन श्रेष्ठले नेपाल पुलिस क्लवका गौतम कठायतलाई २१–१३, २१–१४ ले पराजित गरी फाइनलमा प्रवेश गरेका छन् ।
महिला एकलतर्फको इभेन्ट्सको सेमिफाइनल खेलमा त्रिभुवन आर्मी क्लवकी नङ्गसलादेवी तामाङले सोहि क्लवकै अनुमाया राईलाई २१–१३, २१–१० ले र नेपाल एपीएफ क्लवकी शिक्षा श्रेष्ठले त्रिभुवन आर्मी क्लवकी मेघा चन्दलाई २१–६, २१–१८ ले पराजित गरि फाइनलमा प्रवेश गरेका छन् ।
यसैगरी पुरुष युगलतर्फको इभेन्ट्समा त्रिभुवन आर्मी क्लवका रत्नजित तामाङ र नविन श्रेष्ठको जोडीले सोहि क्लवका सुरज महर्जन र राम राईको जोडीलाई २१–१६, २१–२३ ले तथा नेपाल एपीएफ क्लवका विजित थापामगर र विशाल प्रधानको जोडीले एपीएफकै सुमन लिम्बु र सुदिप सेढाईको जाडीलाई २२–२०, १४–२१ र २१–८ ले पराजित गरि फाइनलनमा प्रवेश गरेका छन् ।