सशस्त्र प्रहरी बल केन्द्रीय खेलकुद समितिको आयोजनामा आइतबार सुरु भएको ‘तेह्रौं राष्ट्रव्यापी कृष्णमोहन स्मृति खुल्ला ब्याडमिन्टन प्रतियोगिता–२०७३’ अन्तर्गत सोमबार भएको पुरुष युगलतर्फको इभेन्ट्समा नेपाल एपीएफ क्लवका सुनिल जोशी र रमेश श्रेष्ठको जोडीले कञ्चनपुरका मोहन ऐर र चिरन विष्टको जोडीलाई २४–२२, २१–१६ ले पराजित गरे । यसैगरी, नेपाल पुलिस क्लवका गौरव दाहाल र अनिस श्रेष्ठको जोडीले महोत्तरीका बरुण दाहाल र सुशिल श्रेष्ठको जोडीलाई २१–०९, २१–११ ले, अन्नपूर्ण ब्याडमिन्टन क्लबका रामकुमार बानियाँ र रोमान्ता प्रदिप बानियाँको जोडीले थिरबहादुर कार्की र रुपक थिङको जोडीलाई २१–१७, २१–१० ले, ब्याडमिन्टन एकेडेमी नेपालका सुनिल बराही र सविन ढुंगेलको जोडीले धादिङका बिदुर कडेल र चित्रबहादुर मगरको जोडीलाई २१–१०, २१–८ ले तथा नेपाल पुलिस क्लबका दिपक बोहरा र गौतम कठायतको जोडीले ललितपुरका पविन लिङ्गदेप र दिपेश शाक्यको जोडीलाई २१–१०, २१–१६ ले पराजित गरे । त्रिभुवन आर्मी क्लबका सुरोज महर्जन र राम राईको जोडीले धादिङका रामचन्द्र गिरी र हरि गोतामेको जोडीलाई २१–१०, २१–१३ ले, नेपाल एपीएफ क्लवका निराजन देवकोटा र निरबिक्रम देवकोटाको जोडीले चन्द्रसुर्य व्याडमिन्टन क्लवका बोधराज श्रेष्ठ र सुवास उलाकलाई २१–४, २१–१० ले र नेपाल एपीएफ क्लवका विशाल प्रधान र विजित थापामगरको जोडीले जेष्ट व्याडमिन्टन एकेडेमीका शसी रावत र अखिल श्रेष्ठको जोडीलाई २१–१२, २१–१५ ले पराजित गरेको छ भने त्रिभुवन आर्मीका रत्नजित तामाङ र नविन श्रेष्ठको जोडी, नेपाल एपीएफ क्लवका ईन्द्र महता र बिमल श्रेष्ठको जोडी, काठमाडौंका नारायण गौतम र अभिषेक गुरुङको जोडी, काठमाडौका ओम गुरुङ्ग र थाप्चेन शेर्पाले धादिङ्गका भिषण श्रेष्ठ, त्रिभुवन आर्मी क्लवका रुकेश महर्जन र प्रफुल महर्जन तथा नेपाल एपीएफ क्लवका सुमन लिम्बु र सुदिप सेढाईको जोडीले वाक ओभर पाएको छ ।
यसैगरी १७ वषैमुनि पुरुष एकलतर्फका इभेन्ट्समा त्रिभुवन आर्मी क्लवका रुकेश महर्जनले कैलालीका देवराज रानालाई २१–१५, २१–१३ ले, नेपालगंज व्याडमिन्टन एकेडेमीका शिव थापाले कैलालीका योगेश खड्कालाई १४–२१, २२–२० र २३–०२ ले, नेपाल एपीएफ क्लवका प्रिन्स दाहालले कैलालीका पुष्प ठगुन्नालाई २१–९, २१–१२ ले, कञ्चनपुरका मोहन ऐरले मोरङ्गका उज्जवल पोखरेललाई २१–११, २१–१९ ले, सुनसरीका बिशाल खड्काले जेष्ट व्याडमिन्टन क्लवका बरुण सीलाई १९–२१, २२–२० र २१–११ ले, तथा त्रिभुवन आर्मी क्लवका प्रफुल्ल महर्जनले कैलालीका रवि चन्दलाई २१–८, २१–४ ले पराजित गरेका छन् ।