सुटिङको महिला १० मिटर एयर राइफलको दोश्रो दिनको खेलमा प्रहरीकी फुलमाया क्याप्छाकीले ४ सयमा ३८० अंक जोडिन् । प्रहरीकै अस्मिता राईले ३७६ अंक तथा आर्मीकी कल्पना परियारले ३७५ अंक बटुले । महिला १० मिटर एयर पेस्तोलमा ४ सय पूर्णाङ्कमा मध्यपश्चिमाञ्चलकी कृष्णा थापाले ३६२, मध्यमाञ्चलकी संगीता खड्काले ३५१ तथा मध्यपश्चिमाञ्चलकी जय अन्सारीले ३३१ अंक जोडे ।
पुरुष १० मिटर एयर राइफलको कूल ६०० अंकमा मध्यपश्चिमाञ्चलका अर्नभ घिमिरेले ५४९, आर्मीका सुसे चौधरीले ५४० र मध्यमाञ्चलका प्रतीक कुँवरले ५३३ अंक बटुले । पुरुष १० मिटर एयर पेस्तोलमा मध्यमाञ्चलका भिपेश खड्काले ५३८, आर्मीका पूर्णकुमार श्रेष्ठले ५२० तथा पूर्वाञ्चलका राजु थापाले ४७० अंक जोडे ।