साग पदक विजेता ब्याडमिन्टन खेलाडी सम्मानित

nangsala tamange
नेपाल ब्याडमिन्टन संघको साधारण सभाको उद्घाटन सत्रमा ब्याडमिन्टन संघले भारतमा गत फेब्रुअरीमा भएको १२ औं दक्षिण एसियाली खेलकुद (साग) मा पदक जित्न सफल आफ्ना खेलाडी, प्रशिक्षक र व्यवस्थापकलाई सम्मान ग¥यो ।
सागको ब्याडमिन्टनमा नेपालले महिला स्पर्धामा दुई कांस्य जितेको थियो । महिला सिंगल्स र टिममा कांस्य हात पारेको हो । महिला सिंगल्समा नङशल तामाङले कांस्य जितेकी थिइन् । नङशललाई संघले ६० हजार रुपैया सहित प्रशंसा पत्रबाट सम्मान ग¥यो ।
त्यस्तै पूर्व घोषित पुरस्कार अनुसार ब्याडमिन्टन संघका सदस्य चन्द्रशेखर लामाले नङशललाई छुट्टै ५१ हजार रुपैया पुरस्कार प्रदान गरे । १२ औं सागको तयारीका लागि खेलाडीहरु सुनसरीको धरानमा रहेका बेला लामाले व्यक्तिगत स्पर्धामा पदक जित्ने खेलाडीलाई पुरस्कार प्रदान गर्ने प्रतिबद्धता जनाएका थिए ।
महिला टिम इभेन्टमा कांस्य जितेका सात सदस्यीय टोली सरादेवी तामाङ, नङशल, शिक्षा श्रेष्ठ, अमिता गिरी, जेशिका गुरुङ, मेघा चन्द तथा अनुमाया राई नगद २५–२५ हजारसहित प्रशंसा पत्रबाट सम्मानित भए । सम्मानित हुने प्रशिक्षकमा रजनीमैया जोशी, जयन्तकुमार श्रेष्ठ र मेघराज कठायत तथा व्यवस्थापकमा वीरेन्द्र श्रेष्ठ रहेका छन् । उनीहरुले पनि २५–२५ हजार रुपैया पाए । दक्षिण कोरियाको इन्चोनमा २०१४ को सेप्टेम्बर÷अक्टोबरमा सम्पन्न १७ औं एसिायली खेलकुदअन्तर्गत ब्याडमिन्टनको पुरुष टिम इभेन्टमा पाँचौं स्थान हासिल गर्न सफल रत्नजित तामाङ, विकास श्रेष्ठ, साजनकृष्ण ताम्राकार र विष्णु कटुवाललाई समान २५ हजार नगद पुरस्कार दिइयो । प्रशिक्षक रजनीमैया, सुदीप योञ्जन र किरण थापा तथा व्यवस्थापक मिन केसीलाई पनि २५ हजारका दरले पुरस्कृत गरियो ।
सिंगापुरमा २०१५ को नोभेम्बरमा भएको एसियन युथ ब्याडमिन्टन प्रतियोतिगाको जुनियर पुरुष सिंगल्स यु–१९ मा क्वाटरफाइनल पुग्न सफल दीपेश धामी २० हजार नगदसहित सम्मानित भए ।
त्यस्तै बंगलादेशको ढाकामा २०१४ को डिसेम्बरमा सम्पन्न बंगलादेश अन्तर्राष्ट्रिय ब्याडमिन्टन च्यालेन्ज प्रतियोगिताको पुरुष सिंगल्समा क्वाटरफाइनल पुगेका रत्नजित तामाङले २० हजार नगद पुरस्कार थापे । सोही प्रतियोगितामा सोही उपलब्धी हात पारेका पुरुष डबल्समा रत्नजित र विकास श्रेष्ठ, मिक्स डबल्समा रत्नजित र सरा÷विकास र नङशल, महिला डबल्समा सरा र नङशल तथा मीना श्रेष्ठ र अमिता गिरीको जोडी १०–१० हजार रुपैयाबाट पुरस्कृत भए ।

Leave A Response